Seinnapartin í gjár var eitt ferðsluóhapp í Havn, har ein bilur koyrdi á tveir bilar, sum stóðu parkeraðir fram við vegnum.
Men bilførarin rýmdi og tí fór løgreglan at leita eftir honum.
Tað varð ikki so ringt at finna hann, tí bilurin misti høgra síðuspegl í óhappinum og tað lá eftir á vegnum.
Tí kundi løgreglan staðfesta, at talan var um ein Citroen C3 frá 2015 og løgreglan sigur, at tað eydnaðist eisini at finna bilin.
Nú verður so málið kannað og í hesum sambandi skal greiða eisini fáast á, hvør koyrdi bilin, tá ið hann rendi á.
