Sum vit skrivaðu í áðni vórðu tveir ungir bilførarar tiknir í gjár fyri at koyra so skjótt, at teir fingu koyriforboð.

Men fýra aðrir bilførarar vórðu eisini tiknir fyri at koyra ov skjótt

Í Hvalvík varð ein tikin fyri at koyra 113, har tað er loyvt at koyra 80, so hann missur koyrikortið og ein annar koyrdi 102, so hann fær klipp í koyrikortið. Báðir fáa eisini bót.

Á tunnilsvegnum við Norðskála varð ein tikin fyri at koyra 76, men har er hámarksferðin avmarkað til at vera 60, so eisini hann fær klipp í koyrikortið, umframt at hann fær bót.

Ein bilførari varð eisini tikin fyri at koyra 108, har tað er loyvt at koyra 80, so hann fær eisini klipp í koyrikortið.