Húsarhald í ES brúka alsamt meira orku til at køla bústaðir. Í 2024 var nýtslan 80.400 terajoule. Tað er nærum tvífalt so nógv sum í 2018, tá hon var 40.500 terajoule. Tað skrivar Eurostat.

Nýtslan vaks á hvørjum ári uttan í 2020 og 2023. Hesi árini minkaði hon ávikavist 2,5 og 1,9 prosent samanborið við árið fyri.

Suðurevropa brúkar mest

Italia hevði størstu samlaðu orkunýtsluna til køling í 2024 við 26.300 terajoule. Spania brúkti 14.300 terajoule, og Grikkaland brúkti 11.900 terajoule.

Á Kýpros fóru 16 prosent av samlaðu endaligu orkunýtsluni hjá húsarhaldum til køling. Á Malta var parturin 15 prosent.

Í Grikkalandi var parturin 7,4 prosent. Í Spania og Italia var hann munandi lægri, ávikavist 2,5 og 2,3 prosent.