Í morgun verða tað 13 bileigarar í Havn, sum mugu lata bilin standa

Løgreglan hevur nevniliga verið runt umkring í Havnini í morgun og tikið nummarplátur av bilum, sum ikki hava goldið vegskatt fyri seinna hálvár í ár.

Herfyri gav Akstovan løgregluni ein lista við heili 629 bilum kring landið, sum skulu missa pláturnar tí eigararnir ikki hava goldið veg- og umhvørvisgjøld fyri seinna hálvár í ár.

Tað er tann listan, løgreglan er farin at arbeiða seg ígjøgnum og tí ganga tey, aloftast um næturnar, og taka plátur av bilunum á listanum.