Seinni í hesum mánaðinum kemur íslendsku forsetahjúnini til Føroya á almenna vitjan. Undir vitjanini hitta íslendsku forsetahjúnini landsstýrið, løgtingið, kommunur, almennar myndugleikar og føroyskar fyritøkur.

Forseti Íslands, Halla Tómasdóttir, og hjúnafelagi hennara, Björn Skúlason, koma til Føroya á almenna vitjan 22. til 24. juni, og tað er løgmaður, sum er vertur fyri vitjanini.

Eisini verður almenn móttøka og almennur døgurði á skránni.