Ein jarðskjálvti við styrki 7,8 rakti mánamorgunin sunnaru Filipsoyggjarnar. Skjálvtin hevði miðdepil út fyri Mindanao og elvdi til stórar oyðileggingar í økinum.

Sambært myndugleikunum eru minst 32 fólk deyð, og meira enn 200 eru komin til skaða. Fleiri bygningar rapaðu saman, og bjargingarlið arbeiða framvegis við at leita eftir fólki undir húsaleivdunum.

Flóðaldu-ávaring var send út eftir skjálvtan, men seinni tikin aftur, tá vandin minkaði. Kortini verða fólk biðin um at vera varin, tí fleiri eftirskjálvtar eru væntandi.

Filipsoyggjarnar liggja í Eldringinum kring Kyrrahavið, sum er eitt av heimsins mest jarðskjálvtavirkna økjum.