Dómarin hevur júst bríkslað fyri seinastu ferð í montenegriska høvuðsstaðnum, Podgorica, har Føroyar og Montenegro hava spælt javnleik 34-34 eftir ein sannan gysara.

Dysturin var sera javnur og álopskendur, og liðini fylgdust nærum allan vegin. Í hálvleikinum var Montenegro á odda 18-17.

Við javnleikinum hava Føroyar nú tryggjað sær trý stig í fyrstu tveimum dystunum í EM-undankappingini.

Elias Ellefsen á Skipagøtu gjørdist føroyskur toppskjútti við átta málum. Honum á baki komu Óli Mittún og Vilhelm Poulsen við sjey málum í part, meðan Hákun West av Teigum skoraði fimm ferðir. Hjá Montenegro var Branko Vujović mest skorandi leikarin við níggju málum.