KÍ boðar frá, at Jóannes Jakobsen er nýggjur venjari í felagnum. Hann verður partur av menningararbeiðnum við U-11 og U-13 dreingir, sigur felagið.

Jóannes Jakobsen var í síni tíð høvuðsvenjari hjá KÍ. Tað var í 1996, 1997 og 1998. Tað fyrsta árið endaði KÍ næstfremst við sama stigatali sum GÍ, ið var meistari fjórða árið á rað. Málmunurin hjá GÍ var +38, og hjá KÍ var hann +31.

Í 1997 endaði KÍ á fimta plássi, og í 1998 endaði KÍ aftur næstfremst. Tá vóru tað sjey stig fram til HB, sum varð meistari.