Forsøgn galdandi til leygarmorgunin

Lot til frískt lot sunnan, 3 til 8 m/s, í støðum upp í frískan vind, 10 m/s, samdrigið og ælaveður, í støðum mjørki og driv. Seinnapartin gongur hann vesturum til útsynning, samdrigið og langri millum ælini. Í kvøld og í nátt lot til frískt lot av útsynningi, 3 til 8 m/s, samdrigið og okkurt ælið í støðum. Í nátt Hitin 10 til 14 stig.

Leygardagin

Lítið lot sunnan, minni enn 5 m/s, skýggjað og ælaveður. Seinnapartin fer hann vesturum til útsynning, og veksur upp í frískan vind upp í strúk, 8 til 13 m/s, samdrigið og regn, stundum grovt regn. Tá líður á seinnapartin slítur í, tó okkurt ælið í støðum. Út á kvøldið minkar vindurin niður í frískt lot til frískan vind, 5 til 10 m/s, enn av útsynningi, skýggjað og okkurt ælið í støðum. Um náttina ælaveður. Hitin 10 til 14 stig.

Sunnudagin

Veksandi vindur av útnyrðingi úr einum loti til frískt lot, 3 til 8 m/s, á morgni upp í frískan vind upp í strúk, 8 til 13 m/s, í støðum upp í hvassan vind, 15 m/s. Skýggjað og ælaveður. Hitin 8 til 13 stig.

Mánadagin

Lot til frískt lot av útnyrðingi, 3 til 8 m/s, skýggjað og okkurt ælið. Hitin 7 til 13 stig.  

Týsdagin

Lítið lot av ymsum ættum, minni enn 5 m/s, smáskýggjað við sólglottum og turt. Um kvøldið og náttina lot til frískt av landsynningi, 3 til 8 m/s, ádrigið og ælaveður. Hitin 8 til 13 stig. 

Mikudagin

Lot til frískt lot sunnan, 3 til 8 m/s, samdrigið og regn ella ælaveður. Hitin 8 til 13 stig.

Veðurstova Føroya