Sev hevur nú tikið eitt ítøkiligt stig í kjakinum um kjarnorku í Føroyum. Bygginevndin hevur biðið um eitt upprit um møguleikarnar við kjarnorku. Endamálið er at fáa eitt betri fakligt grundarlag undir arbeiðið við veitingartrygd og framtíðar elskipanini.
Føroyskur serfrøðingur hevur gjørt kanningina
Johan Pauli Magnussen, sum er Ph.D. í kjarnorkuvísindum og starvast hjá UK Atomic Energy Authority, hevur gjørt kanningina. Uppritið lýsir fyrimunir, vansar og avbjóðingar við kjarnorku í mun til føroysku elskipanina.
– Tað er umráðandi fyri okkum at kanna allar møguleikar og fáa ítøkiliga vitan um evnið, sigur Heðin Mortensen, formaður í bygginevndini hjá Sev.
Bygginevndin hevur enn ikki viðgjørt uppritið til fulnar. Sambært Heðini Mortensen er kanningin eitt stig á leiðini móti einum sakligum kjaki um kjarnorku í Føroyum.
