Nú verður møguligt at taka eina nýggja kt-útbúgving í Føroyum. Útbúgvingin til kt-supportara byrjar á Miðnámi á Kambsdali 2. november, og KT landsins søkir nú eftir teimum fyrstu lærlingunum.

Tað upplýsir Gjaldstovan, sum hevur lýst eftir tveimum lærlingum til nýggju útbúgvingina.

Tvey lærupláss í boði

Bæði læruplássini eru hjá KT landsins. Annar lærlingurin verður har alla lærutíðina, meðan hin ein part av tíðini verður knýttur at norðurøkinum, millum annað Miðnámi á Kambsdali.

Lærlingarnir skulu arbeiða við kt-forritum, servarum og netverkum. Teir skulu eisini hjálpa og vegleiða brúkarum og taka lut í dagliga arbeiðinum hjá KT landsins.

Útbúgvingin tekur hálvttriðja ár

Nýggja útbúgvingin tekur tvey og eitt hálvt ár og gevur eisini møguleika at halda fram við øðrum kt-útbúgvingum.

Freistin at søkja tey bæði læruplássini er 25. oktober 2026.