Týsdagin handaði Niels Uni Dam, stjóri í Nudlavirkinum, Landsfelag Pensjónista ein kekk upp á 40.460 krónur.

Tað gjørdi stjórin vegna íslendska DAS-happadráttin, sum fyri lítlum ári síðani fór í samstarv við Landsfelagið um at fáa pensjónistar, og onnur bindiáhuga, runt landið at binda ella hekla puntar í støddini 15 x 15 cm.

Puntarnir vóru latnir Landsfelag Pensjónista, sum síðani savnaði teir saman og lat teir víðari til Nudlarvirkið.

Landsfelagið skuldi fáa 10 krónur fyri hvønn puntin og tær vóru markaðar til okkurt felags tiltak til frama fyri føroyskar pensjónistar. Tilsamans bleiv tað so til 40.460 krónur.

 Myndin er uttanfyri skrivstovuna hjá Landsfelag Pensjónista á Argjum, tá ið stjórin á Nudlavirkinun, Niels Uni Dam, handaði nevndini kekkin.