Tíðliga í morgun varð ringt til løgregluna at boða frá, at nakrar plátur vóru loysnar undan loftinum í Leirvíkstunnilin.

Løgreglan sigur, at Landsverk er farið í tunnilin at umvæla skaðan, og løgreglan er eisini til staðar at halda skil á ferðsluni.

Løgreglan sigur, at tí er væntandi, at ferðslan verður tarnað og helst verður bara eitt spor opið eitt skifti. Men tað kann eisini hugsast, at tunnilin verður stongdur heilt eitt skifti.

Tí er vandi fyri, at bilarøðir verða uttan fyri tunnilin, men tað er altso tí at arbeitt verður upp á at festa pláturnar aftur.