Tjóðsavnið fer leygardagin 14. november at leggja fram eina nýggja tulking av rúnasteininum, sum varð funnin undir útgrevstrinum á Sondum á Sandi í summar.
Tá steinurin varð funnin, hildu fornfrøðingarnir seg kunna lesa orðini „… hvílir her“.
Men hvat stendur framman fyri hesi orðini?
Tað hevur Lisbeth M. Imer, seniorgranskari og rúnuserfrøðingur á Nationalmuseet í Keypmannahavn, nú kannað.
Hon fer at greiða frá rúnum og tulkingini av steininum á einum almennum tiltaki á Tjóðsavninum.
Tiltakið verður á Tjóðsavninum í Brekkutúni 6 leygardagin 14. november klokkan 14.
Helgi Michelsen, fornfrøðingur á Tjóðsavninum, fer eisini at greiða frá útgrevstrinum og frá tí, tá rúnasteinurin varð funnin.
Eftir framløgurnar verður høvi at síggja rúnasteinin og aðrar gripir, sum vórðu funnir undir útgrevstrinum í summar.
Tiltakið er ókeypis, og øll eru vælkomin.
