Økið á Lygnnesi í Kollafirði er nú boðið út av nýggjum við broyttum fortreytum. Freistin at lata inn tilboð er 12. oktober 2026 klokkan 12.

Tórshavnar kommuna arbeiðir samstundis við at broyta byggisamtyktina fyri økið úr A1 í A4. Endamálið er at loyva opnari og tættari bygging, so økið kann býtast sundur í fleiri sjálvstøðugar bústaðareindir.

Freistin er bert tríggjar vikur

Av tí at økið nýliga hevur verið boðið út, er innlatingarfreistin hesaferð stytt niður í tríggjar vikur. Kommunan vil soleiðis skjótt fáa greiðu á, um áhugi er fyri at byggja á økinum.

Tilboð skulu latast inn umvegis Útboðsportalin hjá Tórshavnar kommunu. Har kunnu áhugað skráseta seg, lata inn tilboð og seta spurningar um útboðið. Svarini verða almannakunngjørd í navnleysum líki.