Føroyski tónleikarin Marius Ziska fer komandi mánaðirnar at spæla í Íslandi, Eysturríki, Týsklandi og Danmark.

Longu leygardagin 31. oktober spælir hann á Heima Skagi í Akranesi í Íslandi. Tann 20. november stendur Blue Bird Festival í Wien í Eysturríki fyri tørni.

Konsertferðin heldur fram 25. februar í Flensburg í Týsklandi. Dagin eftir spælir hann í Tapperiet í Køge, og 29. mai verður hann at hoyra á Hotel Cecil í Keypmannahavn.

Marius Ziska er kendur fyri sín sermerkta tónleik, har fólkatónleikur, rokkur og elektroniskur tónleikur renna saman.