Montenegro kann gerast limur í ES í 2028. Tað sigur Marta Kos, ES-nevndarlimur við ábyrgd av víðkanini.

Sambært nýggju frágreiðingini hjá ES-nevndini hevur Montenegro gjørt stór framstig og lokið samráðingarnar um 21 av teimum 35 kapitlunum. Møguliga verða teir seinastu kapitlarnir avgreiddir fyri árslok.

Tað skrivar DR.

Eydnast tað, kann Montenegro gerast 28. limalandið í ES og tað fyrsta síðan Kroatia gjørdist limur í 2013.

Albania og Moldova nærkast eisini ES. Albania ætlar at enda samráðingarnar í 2027, meðan Moldova miðar eftir at verða liðugt við sínar samráðingar tíðliga í 2028.

Ukraina hevur eisini gjørt framstig, hóast kríggið við Russland og avbjóðingar við rættarskipanini.

Norðurmakedónia hevur framt týðandi nýskipanir, meðan gongdin í Serbia og Bosnia-Hersegovina hevur verið seinni.

Samráðingarnar við Turkaland og Georgia standa hinvegin í stað.

ES-nevndin leggur dent á, at framhaldandi nýskipanir eru avgerandi fyri, nær londini kunnu gerast limir.