Sæunn hevur skrásett krabbameins-tilburðir í 30 ár

Í gjár skipaði Heilsustýrið fyri móttøku fyri Sæunn Ólavsdóttir Hansen í sambandi við, at hon 1. januar í ár hevði arbeitt við at skráseta krabbameinstilburðir í Føroyum í 30 ár.

Krabbameinsskráin varð flutt frá Landssjúkrahúsinum til Heilsustýrið at umsita 1. september 2023, og heitt varð tá á Sæunn um at fylgja við, so framhald fekst í arbeiðið við skrásetingini.

Endamálið við at skráseta upplýsingarnar í Krabbameinsskránni er:

- At gera hagtøl og frágreiðingar um útbreiðsluna av krabbameini í Føroyum.

- Gransking innan krabbamein.

- At greina krabbameinstilburðirnar fyri at kunna leggja til rættis í sjúkrahúsverkinum.

Heilsustýrið takkar Sæunn fyri trúfesti í hesum virðismikla og týðandi arbeiðinum.