Einans 4.000 tons av íslendskari summargýtandi sild eru eftir at fiska. Higartil hevur veiðan verið eystan fyri Ísland, men nú flytur flotin vesturum.

Hósdagin landaði Börkur NK 1.500 tons, meðan Beitir NK kom til lands við øðrum 1.500 tonsum.

Börkur er síðani farin vestur í Jökuldýpið, har veiðan er byrjað. Beitir fer somu leið, tá landingin er liðug.

Óvanliga góð síldavertíð

Grétar Örn Sigfinnsson, rakstrarleiðari hjá Síldarvinnsluni, sigur, at veiðitíðin hevur gingið sera væl, hóast veiðan hevur verið ójøvn.

Hann væntar, at skipini tilsamans fara at gera tveir til fýra túrar aftrat.

Veðrið hevur verið óvanliga gott, og framleiðslan hevur gingið væl.

Bæði norsk-íslendsk sild og íslendsk summargýtandi sild eru fiskaðar. Seinastu tíðina hevur summargýtandi sildin verið umleið 40 prosent av veiðuni.

Grétar Örn heldur, at veiðitíðin neyvan kundi gingið betur.