Mánadagin klokkan 11 verður tað, at fyrsta skotið verður latið av til tunnilin, sum skal ganga oman fyri Havnina, og sum skal binda eystara og vestara part í Havnini, saman.
Hetta er fyrsti tunnilin innan fyri kommunumark í Havn
Hetta er tunnilin, sum verður gjørdur úr Villingardali yvir ímóti Marknagili, har hann kemur upp vestan fyri Hotel Føroyar, beint við ríðibreytina. Tunnilin er ein partur av nýggja ringvegnum oman fyri Havnina, í sambandu við Eysturoyartunnilin.
Tá ið fyrta skotið verður latið av, verður hátíðarhaldið við endan á Villingardalstvegnum. Har fer Havnar Hornorkestur at spæla og Heðin Mortensen, borgarstjóri, Tróndur Sigurðson, formaður í teknisku nevnd, og Dennis Holm, landsstýrismaður, fara at halda røður.
Og tað vera Heðin Mortensen, borgarstjóri, og Tróndur Sigurðsson, formaður í teknisku nevndi, sum fáa heiðurin attrýsta á knøttin til fyrsta skotið í tunlinum, sum fyribils hevur fingið navnið Húsareynstunnlinum. Tunnilin verður góðar tveir kilometrar langur, og tað er Articon sum ger arbeiðið.
