Nám hevur givið Snar nýggjan ham. Portalurin verður skipaður í trý høvuðsøki: Temasavn, Skjøl og Funkur. Alt tilfarið er ókeypis, og tað er ikki neyðugt at rita inn.

Ein av nýggju møguleikunum er temasíðan Koda og vitlíki. Her kunnu næmingar læra HTML og brúka vitlíki til at gera heimasíður og spøl.

Nýggja økið Funkur hevur smá spøl og talgild amboð til undirvísingina. Nám vónar, at lærarar og næmingar eisini fara at gera sínar egnu funkur.

Í Temasavninum er tilfar um millum annað barnarættindi, Heimsmálini og javnrættindi. Undir Skjølum eru arbeiðsbløð og annað undirvísingartilfar, skipað eftir lærugreinum.

Gamla undirvísingartilfarið verður verandi á Snar, meðan ljóðbøkur, sBøkur og i-Bøkur eru fluttar til nam.fo.

Nám fer støðugt at leggja nýtt tilfar afturat og tekur fegið ímóti hugskotum frá brúkarunum.