Sunda kommuna hevur samtykt at broyta nýtsluna av tveimum landbúnaðarøkjum á Streymnesi og Oyrum. Broytingarnar vórðu samtyktar á býráðsfundi 31. august og eru nú lagdar fram til alment eftirlit.

Landbúnaðarøki verður bústaðarøki

Á Streymnesi snýr broytingin seg um part av matr. nr. 183. Økið er í dag lagt út til landbúnað, men skal eftir ætlan broytast til bústaðarøki.

Á Oyrum er talan um matr. nr. 31t. Har skal landbúnaðarøkið broytast til bæði neystaøki og bústaðarøki.

Freist til 9. november

Uppskotini liggja frammi til alment eftirlit á heimasíðuni hjá Sunda kommunu og á býráðsskrivstovuni til og við 26. oktober.

Møgulig broytingaruppskot ella mótmæli skulu vera býráðnum skrivliga í hendi í seinasta lagi 9. november 2026.