Í gjár var ringt til løgregluna at boða frá sviki á internetinum.

Løgreglan sigur, at tað var eitt fólk sum ringdi til tey at siga frá, at tað hevði eini boð á einum sosialum miðili um at tað hevði vunnið pengar.

Men fyri at fáa pengarnar, skuldi viðkomandi trýsta á eitt leinki og tøppa kortupplýsingarnr inn. Og tað hevði viðkomandi so gjørt við teirri avleiðing, at nakrar túsund krónur vórðu tiknir av kontuni.

So enn einaferð ávarar løgreglan um aldrin at geva kortnummari frá sær, tí eingin banki, ella myndugleiki, fer nakrantíð at biðja um slíkar upplýsingar á einum sosialum miðili, ella í telefon.

– ljóðar eitt tilboð ov gott til at vera satt, skulu vit altíð ganga út frá, at tað svik, sigur løgreglan.