Seinnapartin í gjár tóku tollararnir á flogvøllinum ein mann fyri at royna at smugla eina stóra nøgd av hassji til Føroya. Hann hevði tað við í viðførinum.

Løgreglan sigur, at maðurin varð handtikin og settur í varðhaldið. Talan er um ein danskara og hann skal í rættin seinni í dag. Av tí sama vil løgreglan ikki siga, hvussu nógv hassj hann hevði við sær, men talan var um kilo heldur enn gramm, siga tey.

Sostatt er talan um nógv størri nøgd enn til egna nýtslu, so mett verður, at endamálið var at selja tað í Føroyum.