Íslendski skiparin Bergtórur Smárason á Þerney gevur Storm 2-trolhurðunum hjá Vónini góð skoðsmál eftir fleiri mánaða nýtslu.

Sambært honum eru trolhurðarnar sterkar, støðugar og fjølbroyttar. Tær hava verið brúktar bæði við einum troli og tvítroli og hava givið góð úrslit á fleiri ymiskum dýpum.

Royndar á stórum dýpi

Skiparin sigur, at teir hava fiskað djúpari enn 400 favnar eftir fiskaslagnum streymsild, og at trolhurðarnar hava roynst væl.

Tær hava eisini verið brúktar frá 30 favnum og niður um 200 favnar. Sambært skiparanum hava tær verið støðugar og givið góð úrslit á øllum dýpum.

Storm 2-hurðarnar hava higartil verið brúktar til kongafisk, hýsu, tosk, upsa og streymsild.