Í síðstu viku hækkaði Føroya Banki renturnar, og nú boða Betri Banki og Suðuroyar Sparikassi frá, at teir hækka renturnar. Nú er tað bara Norðoya Sparikassi, sum ikki hevur boðað frá rentuhækkingum.

Betri Banki skrivar soleiðis:

Danski Tjóðbankin hækkaði 10. septembur leiðandi rentuna við 0,25% stigum.

Hetta hevur við sær, at Betri Banki eisini hækkar renturnar.

Fyri privat- og vinnukundar hækka út- og innlánsrenturnar við upp til 0,25% stigum.

Broytingarnar koma í gildi tann 1. novembur 2026.

Tú kanst kunna teg um renturnar í Betri Banka á betri.fo/rentur.

Suðuroyar Sparikassi skrivar soleiðis:

1. september 2026 hækkaði danski Tjóðbankin leiðandi rentuna við 0,25%-stigum.

Hetta hevur við sær, at Suðuroyar Sparikassi eisini hækkar renturnar. Fyri bæði privat- og vinnukundar hækka út- og innlánsrenturnar við upp til 0,25 %-stigum.

Broytingarnar koma í gildi 26. oktober 2026.

Rentu- og tænastuyvirlitini her á heimasíðuni www.ss.fo verða dagførd, tá ið broytingarnar koma í gildi.