Ung úr sjey norðurlondum hava vitjað í Vági í sambandi við ráðstevnuna Generation Nordic, sum Nordisk Atlantsamarbejde – NORA skipar fyri. Endamálið er at arbeiða við og skifta orð um evni, ið hava týdning fyri framtíðina og menningina í norðurlendskum útjaðarøkjum.

Luttakararnir eru millum 18 og 30 ár. Vitjanin í Vági er partur av ráðstevnuni, har tey ungu hittast og umrøða avbjóðingar og møguleikar í útjaðarøkjum.

Upplivdu Vágseiði og hoyrdu um menningina í Vági

Í Vági hava luttakararnir millum annað verið á Vágseiði. Harumframt hava tey hoyrt fólk greitt frá ymiskum virksemi og menningini í Vági. Tey hava eisini arbeitt við ymiskum evnum, sum snúgva seg um menning av útjaðarøkjum.

Myndirnar í uppslagnum hjá Vágs kommunu vísa bæði luttakarar úti í náttúruni og á innandura fundum og framløgum.

Vágs kommuna fegnast um vitjanina og takkar NORA fyri gott samstarv og fyri at hava lagt leiðina til Vágs.