Vestmanna kommuna fer at skifta 26 ára gamla sløkkibilin út. Bygdarráðið hevur í fyrstu viðgerð av fíggjarætlanini fyri 2027 samtykt at seta pengar av til ein nýggjan bil.

Núverandi sløkkibilur er frá 2000. Aldurin er farin at merkjast, og fyri at tryggja eina góða tilbúgving er neyðugt at skifta bilin út.

– Í sløkkiliðnum fegnast vit um, at ein nýggjur bilur nú kemur. Verandi bilur hevur verið okkum í Vestmanna og grannabygdunum góður, men nú er ymiskt farið at bila, umframt at summir eykalutir ikki longur eru til at fáa hendur í, sigur Tóki Seloy, brunaumsjónarmaður.

Tað tekur meira enn eitt ár at byggja nýggja sløkkibilin. Gamli bilurin verður tí framvegis í nýtslu, til tann nýggi eftir ætlan verður tikin í brúk í 2028.

Vestmanna Sløkki- og Bjargingarlið hevur 20 mans og heldur til ovast í Vestmanna.