Vísindavøka á ferð verður hildin kring landið frá 14. til 23. september. Á hvørjum staði verða tríggir fyrilestrar, sum vara umleið 20 minuttir hvør.
Fyrsta tiltakið verður á Bókasavninum við Løkin í Runavík mánakvøldið 14. september klokkan 19. Har verður millum annað sjóneykan sett á upsa, aling og seið á føroysku firðunum, føroyskar firðir og føroysku kvinnurørsluna í 1970- og 1980-árunum.
Ása Jacobsen, lívfrøðingur á Havstovuni, heldur fyrilesturin um upsa og aling. Tiltakið í Runavík er ókeypis.
Frá fiskiskapi til fólkaræði
Týskvøldið 15. september heldur Vísindavøka á ferð fram á Klaksvíkar Bókasavni. Har verður millum annað greitt frá sildafiskiskapinum í 1950- og 60-árunum, føroysku fiskidagaskipanini og einum nýggjum sjúkrarøktarleikluti í heilsuverkinum.
Í Sørvági 16. september snúgva fyrilestrarnir seg millum annað um, hvussu oljunýtslan í fiskiskapinum kann minkast, nýtslu av dronum í jarðfrøði og stóru kreppuna í 1990-árunum.
Endar við list og veðurlagi
Vísindavøka á ferð vitjar eisini á Sandi 17. september og í Vági 21. september. Síðsta tiltakið verður í Norðurlandahúsinum 23. september, har list og vísindi verða knýtt saman í einum práti um veðurlag, landslag og tíð.
